Frí heimsending á höfuðborgarsvæðinu fyrir pantanir að lágmarki 6900.kr
Frí heimsending á höfuðborgarsvæðinu fyrir pantanir að lágmarki 6900.kr
Karfa 0

Þversagnir - sýning á verkum Heiðrúnar Kristjánsdóttur

Sýningin Þversagnir opnar í sýningarrými Hjarta Reykjavíkur laugardaginn 4. september kl 17 og stendur til 3. október.
_____________________________
ÞVERSAGNIR - myndir úr bókum -
Góði gestur!
Ég býð þér að lesa titil á pappírsrúllu og framkalla í huga þér mynd eða hugrenningu. Þannig getum við hugsanlega leyft gamla titlinum að snerta við líðandi stund.
Titlarnir tala saman á sinn þögla hátt. Þeir eiga við rit sem tilheyra öðrum tíma en geta engu að síður tengst okkur. Þegar bækur missa sess sinn en fá samt heiðurssess sem listaverk verða þær minnisvarðar um þær þversagnir sem liggja máli og menningu til grundvallar.
Undanfarin ár hafa gamlar bækur verið mín helsta andagift og uppspretta hugmynda í myndlistinni. Ég hef furðulegan áhuga á að koma bókum upp á vegg í umbreyttu formi, sem myndum eða nýjum hlut sem ætlað er að enduróma bókmenntaundrið mikla.
Heiðrún
__________
Verkin eru úr upprúlluðum blaðsíðum sem dýft er í í Pelikan-blek og húðaðar með örþunnu vaxi. Þau eru unnin í Reykjavík 2020.
Heiðrún Kristjánsdóttir stundaði myndlistarnám á Íslandi og í Bandaríkjunum.
Hún hefur kennt myndlist í áraraðir og haldið 5 einkasýningar.
Reykjavík, september 2021

Eldri færsla Nýrri færlsa